കടുത്തുരുത്തി : കല്ലറ ശ്രീ ശാരദാ ക്ഷേത്രത്തിലെ മകര സംക്രമ മഹോത്സവത്തിൻ്റെ ഭാഗമായുള്ള കല്ലറ പൂരം തിങ്കളാഴ്ച നടക്കും. വൈകിട്ട് 5 മണിക്ക് പൂരം ആരംഭിക്കും. പൂരത്തിൻ്റെ ഭാഗമായുള്ള പാണ്ടിമേളം അമ്പത്തഞ്ചിലധികം കലാകാരൻന്മാർ ചേർന്ന് അവതരിപ്പിക്കും. ശാരദാദേവി ഗുരുവായൂർ ദേവസ്വം ആനയായ ഇന്ദ്രസെന്നിൻ്റെ പുറത്തേറി ഏഴ് ആനകൾക്കൊപ്പം പൂര പറമ്പിലേക്ക് എഴുന്നെള്ളും. രാത്രി 10 ന് പള്ളിവേട്ട. ആറാട്ട് ദിനമായ ചൊവ്വാഴ്ച ഉച്ചക്ക് 12 .30 നാണ് ആറാട്ടുസദ്യ. വൈകിട്ട് 4.30 ന് ആറാട്ടുബലി നടത്തും. 6 മണി മുതൽ മുളമ്പുകാട് ഗുരുമന്ദിരം കടവിലേക്ക് ആറാട്ട് പുറപ്പാട്, ആറാട്ട് വരവേൽപ്പ്, വലിയ കാണിക്ക എന്നിവ നടക്കും.
ബുക്കർമാൻ ന്യൂസ്, കടുത്തുരുത്തി
