വ​ർ​ഷങ്ങ​ൾക്കു ശേഷം അ​ഭി​നാ​ഥ് ഭയമില്ലാതെ ആ​ഹാ​രം ക​ഴി​ച്ചു

ഏ​ഴു​വ​ർ​ഷങ്ങ​ൾക്കു​ ശേ​ഷം അ​ഭി​നാ​ഥ്​  ഭക്ഷണത്തിന്റെ ഗന്ധവും രുചിയുമറിഞ്ഞു. അതു കണ്ട്​ ​അ​മ്മ​യു​ടെ ക​ണ്ണു​ക​ൾ നി​റ​ഞ്ഞു. ക​ര​ഞ്ഞു വ​റ്റി​യ കണ്ണുകളിൽ ആ​ന​ന്ദ​ബാ​ഷ്​​പം ​പൊഴി​ഞ്ഞു. ക​ണ്ണൂ​ർ ക​ള്ളി​യി​ൽ വീ​ട്ടി​ൽ സ​ജാ​ദ്​ – ര​ജ​നി ദ​മ്പ​തി​ക​ളു​ടെ ഏ​ക മ​ക​ൻ 22 കാ​ര​നാ​യ അ​ഭി​നാ​ഥ്​ മോ​ഹാ​ല​സ്യ​പ്പെ​ടാ​തെ സ്വ​ന്ത​മാ​യി ആ​ഹാ​രം വാ​രി​ക്ക​ഴി​ച്ച​പ്പോ​ൾ ക​ണ്ട്​ നി​ന്ന അ​മ്മ പ​റ​ഞ്ഞു: ‘ഇ​വ​ർ ഞ​ങ്ങ​ളു​ടെ ദൈ​വ​മാ​ണ്, എ​​ന്റെ മ​ക​നെ ജീ​വ​ത​ത്തി​ലേ​ക്ക്​ തി​രി​കെ കൊ​ണ്ടു​വ​ന്ന ദൈ​വം’. ന്യൂറോളജിസ്റ്റ് ആൻഡ് എപിലെപ്റ്റോളജിസ്റ്റ് ഡോ. ​ച​ന്ദു. പി, എ​പ്പി​ലെ​പ്സി സർജ​ൻ ഡോ. ​നി​ഹാ​ൽ അഹമ്മദ് എ​ന്നി​വ​രെ​യാ​ണ്​ ആ ​മാ​താ​വ്​ ചൂ​ണ്ടി​ക്കാ​ണി​ച്ച​ത്.

എ​റ​ണാ​കു​ളം മെ​ഡി​ക്ക​ൽ ട്ര​സ്​​റ്റ്​ ആ​ശുപ​ത്രി​യി​ലാ​ണ്​ 12 മ​ണി​ക്കൂ​ർ നീ​ണ്ടു​നി​ന്ന അ​തി​സ​ങ്കീ​ർ​ണ മ​സ്​​തി​ഷ്​​ക ശ​സ്​​ത്ര​​ക്രി​യ​യി​ലൂ​ടെ ഈ ​ഡോ​ക്​​ട​ർ​മാ​ർ അ​ഭി​നാ​ഥി​നെ ജീ​വി​ത​ത്തി​ലേ​ക്ക്​ മ​ട​ക്കി കൊ​ണ്ടു​വ​ന്ന​ത്. ആ​ഹാ​രം വാ​യി​ൽ​വെ​ക്കു​മ്പോൾ മോ​ഹാ​ലാ​സ്യ​പ്പെ​ടു​ന്ന അ​ത്യ​ന്തം അ​പൂ​ർ​വ​മാ​യ “ഈ​റ്റിം​ഗ് റിഫ്ളക്സ് എ​പ്പി​ലെ​പ്സി” എ​ന്ന രോ​ഗ​മാ​യി​രു​ന്നു അ​ഭി​നാ​ഥി​ന്. പ​ത്താം​ക്ലാ​സി​ൽ പ​രീ​ക്ഷ​ക്ക്​ തയ്യാറെടുക്കുമ്പോഴാണ് ​അ​ഭി​നാ​ഥ്​ ആ​ഹാ​രം കഴിക്കുന്നതിനിടയിൽ മോ​ഹാ​ലസ്യ​പ്പെ​ട്ടു വീ​ണ​ത്. പി​ന്നെ ആ​ഹാ​രം ക​ഴി​ക്കു​മ്പോഴെ​ല്ലാം അ​ത്​ പ​തി​വാ​യി. ഒരു മിഠായി പോലും ക​ഴി​ക്കാ​ൻ വയ്യാത്ത അ​വ​സ്​​ഥ​യാ​യി. ഭ​ക്ഷ​ണം തൊ​ണ്ട​യി​ൽ കു​രു​ങ്ങി മ​ര​ണം സം​ഭ​വി​ക്കാ​വു​ന്ന അ​പ​സ്​​മാ​ര അ​വ​സ്​​ഥ​യാ​ണി​ത്. ഇ​തി​ന്​ പ​രി​ഹാ​രം തേ​ടി അ​വ​ർ മു​ട്ടാ​ത്ത ആ​ശു​പ​ത്രി വാ​തി​ലു​ക​ളി​ല്ല, ‘എ​ന്റെ മ​ക​നെ തി​രി​ച്ചു ത​ര​ണേ​യെ​ന്ന’ പ്രാ​ർ​ഥ​ന​ക​ളോ​ടെ. എന്നാൽ റി​സ്​​ക്​ എ​ടു​ക്കാ​ൻ ആരും ധൈര്യപ്പെട്ടി​ല്ല. മെ​ഡി​ക്ക​ൽ സ​യ​ൻ​സി​ന്റെ പ​രി​മി​തി മുൻ​നി​ർ​ത്തി എ​ല്ലാ​വ​രും കൈ​മ​ല​ർ​ത്തുകയായിരുന്നു. ശ​സ്​​ത്ര​ക്രി​യ ന​ട​ന്നാ​ൽ ശ​രീ​ര​​ത്തി​ലെ ഏ​തെ​ങ്കി​ലു​മൊ​രു അ​വ​യ​വ​ത്തി​ന്റെ ച​ല​നം നിലക്കാം. അ​ത്​ അവയവമോ ഓ​ർ​മ ശ​ക്​​തി​യോ ഒ​ക്കെ​യാ​വാം. അഭിനാഥും കുടുംബവും നിരാശരായി.

പ്രതീക്ഷ കൈവിടാതെ ആ ​അ​മ്മ​ നടത്തിയ അനേഷണമാണ് മെഡിക്കൽ ട്രസ്റ്റിലെത്തിച്ചത്. ഇവിടെയെത്തുന്നത് 2024 ജനുവരിയിൽ. വിദഗ്ദ്ധ പരിശോധനകൾക്കുശേഷം മാർച്ചിൽ ശസ്ത്രക്രിയ നടത്തി. ബ്രെ​യി​ൻ മാ​പ്പിം​ഗി​ലൂ​ടെയാണ് അ​തി​സൂ​ക്ഷ്​​മ​ ശ​സ്​​ത്ര​ക്രി​യ​ നടത്തിയത്. ഒ​രു അ​വ​യ​വ​ത്തി​നും കേടുപാട് സംഭവിക്കാതെ ആ അമ്മയുടെ കണ്ണുനീരിന് അറുതിയായി. അ​ഭി​നാ​ഥി​നെ സു​ര​ക്ഷി​ത​മാ​യി അ​വ​ർ ജീ​വി​ത​ത്തി​ലേ​ക്ക്​ തി​രി​ച്ചെ​ത്തിച്ചു.

മെ​ഡി​ക്ക​ൽ ​ട്ര​സ്​​റ്റ്​ ആ​ശു​പ​ത്രി​യി​ൽ അ​ഭി​നാ​ഥും മാ​താ​പി​താ​ക്ക​ളും ആ ​യു​വ​ഡോ​ക്​​ട​ർ​മാ​രെ ഹൃ​ദ​​യ​ത്തോ​ട്​ ചേ​ർ​ത്ത്​ നി​ർ​ത്തി പ​റ​ഞ്ഞു, ‘ഇ​വ​രാ​ണ്​ ആ ​ര​ക്ഷ​ക​ർ‘. ശസ്ത്രക്രിയ കഴിഞ്ഞ വീട്ടിലേക്കു മടങ്ങിയ അഭിനാഥ് സന്തോഷമറിയിക്കാനായി വീണ്ടും ഹോസ്പിറ്റലിലെത്തുകയായിരുന്നു.

മൂ​ന്ന്​ മാ​സ​ത്തി​ലൊ​രി​ക്ക​ൽ ചെ​ക്ക​പ്പി​ന്​ ആ​ശു​പ​ത്രി​യി​ൽ എ​ത്തിയാ​ൽ മ​തി. ഫു​ട്​​ബാ​ൾ ടീ​മി​ൽ ഡി​ഫ​ൻ​റ​റാ​യ അ​ഭി​നാ​ഥി​ന്​ വീ​ണ്ടും കാ​ലു​ക​ളി​ൽ ബൂ​ട്ട​ണി​യാ​മെ​ന്ന്​ ഡോ​ക്​​ട​ർ ച​ന്ദു പി പ​റ​ഞ്ഞു. മെഡിക്കൽ ട്രസ്റ്റിൽ നടന്ന പത്രസമ്മേളനത്തിൽ ഡോ. പി വി ലൂയിസ്, ഡോ. ചന്ദു പി., ഡോ. നിഹാൽ അഹമ്മദ്, ഡോ. കൗശിക്,അ​ഭി​നാ​ഥ് തുടങ്ങിയവർ പങ്കെടുത്തു.