പത്തുവർഷം പിന്നിടുന്ന ഇടപ്പള്ളി നൃത്താസ്വാദക സദസ്സിന്റെ വാർഷികാഘോഷങ്ങൾ സമാപിച്ചു. ഇടപ്പള്ളി ചങ്ങമ്പുഴ സാംസ്‌കാരിക കേന്ദ്രത്തിൽ രണ്ടായിരത്തി പതിമൂന്നിലാരംഭിച്ച ഈ ഉദ്യമം സംഘാടകരെപ്പോലും അതിശയിപ്പിച്ചാണ് വളർന്നത്.
പത്താം വാർഷികത്തിന്റെ ഭാഗമായി പത്ത് നൃത്തവിദ്യാലയങ്ങളിൽനിന്നുള്ള നൂറിലേറെ നർത്തകരാണ് കഴിഞ്ഞ ഏതാനും ദിവസങ്ങളിലായി നിറഞ്ഞ സദസ്സിനുമുന്നിൽ ചിലങ്കയണിഞ്ഞാടിയത്. ഇടപ്പള്ളി നിവാസികൾ പ്രായഭേദമില്ലാതെ കലാസ്വാദനം നടത്തുന്ന ഇടമാണ് ചങ്ങമ്പുഴ സാംസ്‌കാരിക കേന്ദ്രം.
